دورة تعلم ال HTML المقدمة
بسم الله الرحمن الرحيم
في هذه الدورة سنتكلم عن لغة HTML وهي اختصار لكلمة (Hyper Text Markup Language) يمكنك باستخدام هذه اللغة إنشاء موقع ويب خاص بك, وهي لغة سهلة التعلم وبسيطة للغاية ولا تحتاج منك معرفة سابقة بلغات البرمجة , وهي ايضا غير مرتبطة بنظام تشغيل معين .
كيف تبدء في لغة HTML :
الموضوع بسيط جدا كل الي انت
محتاج ليه هو برنامج المحرر (notepad) الموجود في نظام التشغيل
او بعض الناس بيحبو يشتغلو على برنامج (notepad++) عشان بيسهل كتابة الكود, وطبعا هنحتاج متصفح انترنت (web
browser) اي متصفح موجود عندك تفدر تشتغل عليه ممكن تستخدام المتصفح
الافتراضي الموجود في الويندوز (internet explorer) او تستخدم (google chrom ) او (Firefox) الي
يريحك المهم ان انت لو ملاحظ مافيش حاجة صعبة يعني كل حاجة موجودة عندك على
الويندوز .
=======================
ودي يا سيدي صورة برنامج ال (notepad) الموجود في الويندوز
=======================
ودي صورة برنامج ال (++notepad ) ودا لينك تحميل البرنامج لو حابب تنزلو http://notepad-plus-plus.org/
=======================
ودي صورة برنامج (internet explorer) الموجود برضو في الويندوز
لو عايز تشتغل على (google chrom) دا لينك التحميل https://www.google.com/chrome/browser/desktop/
ولو عايز تشتغل على (firefox) دا لينك التحميل https://www.mozilla.org/en-US/firefox/new/
اهم حاجة تكون مرتاح J المهم بقى انك تطبق الي
هتتعلمه
=======================
طب ما تيجي نطبق حاجة سريعة كدة
بص يا سيدي افتح برنامج (notepad) واكتب الكود البسيط دا
<html><body><h1>My First Heading</h1><p>My first paragraph.</p></body>
</html>
بعد ما تكتب الكود دا اعمل (save) للصفحة باسم مثلا (index.html) خلي بالك امتداد الصفحة ايه (.html) تمام زي الصورة دي
حاول تعمل Folder للشغل بتاعك وتحفظ فيها
كل صفحة هنعملها مع بعض
بعد ما تخلص وتحفظ الصفحة في المكان الي انت حددته هتلاقي الصفحة
بتاعتك اتحفظ بالاسم الي اخترنا وبامتداد (.html)
جميل جدا افتح الصفحة دي بالمتصفح الي عندك , انا مثلا هفتحها ب (google chrom) هتلاقي الناتج بتاع الكود بالشكل دا
بكدة تكون عملت اول صفحة بلغة (HTML) في الدرس الجاي ان شاء
الله هنشرح الكود دا عشان نفهمه وياريت لو في حاجة واقفة معاك او مش فاهمة تكتب
كومنت عشان نوضحها.
اتكلمنا في مقدمة سريعة جدا ومختصرة
عن لغة (HTML) ما تبخلوش علينا بتعلقاتكم عشان نتواصل مع بعض وتشجعنا
اننا نكمل
ليست هناك تعليقات:
إرسال تعليق