دورة Mysql5 - الدرس الثاني : Connect With PDO
النهاردة هنتكلم عن طريقة الاتصال بقاعدة البيانات باستخدام ال PDO , عشان نعمل ملف الاتصال بال Database طبعا لازم نعمل داتا بيز عشان نجرب عليها واتعلمنا ازي ننشئ داتا بيز الدرس الي فات هنفتح ال phpmyadmin وهنعمل DataBase جديدة وهنسميها مثلا news او اي اسم انت عايزه
- بعد كدة هنروح ننشئ فولدر على السيرفر الي احنا شغالين عليها ايا كان نوع السيرفر الي انت بتستخدمه وهنسمي الفولدر مثلا DB_test وهننشئ ملف بداخل الفولدر ونسميه connect.php وفي داخل الملف دا هنبدء نكتب اوامر الاتصال بقاعدة البيانات
- اول حاجة هيكون عبارة عن parameter اسمه dsn ودا اختصار ل Data Source Name ودا بيبقى جواه ال prefix الخاص بال mysql والكود بتاعه بالشكل دا
$dsn = 'mysql:host=localhost;dbname=news';
اول حاجة فيهم هي ال host وعندنا هنا الhost بتاعنا هو ال localhost وبياخد برضو ال dbname وبحط فيها اسم الداتا بيز بتاعتي والي احنا عملناها وسميناها news
- بعد كدة عندي ال parameter الخاص بال user وهيكون بالشكل التالي
$user = 'root';
- وبعده هنحدد الباسورد الخاص باليوزر دا وهيكون
$pass = '';
طبعا اليوزر root عندنا مالهوش باسورد فاحنا هنسيبه فاضي ويبقى احنا الكود بتاعنا لغاية دلوقتي بالشكل دا
<?php
$dsn = 'mysql:host=localhost;dbname=news';
$user = 'root';
$pass = '';
- ودلوقتي بحد ما حددنا المتغيرات هنكتب الكود الخاص بعملية الاتصال والي هيكون بالشكل دا
$db = new PDO($dsn , $user , $pass);
- طب لو عايزين نعمل حالة تحقق لو تم الاتصال او لم يتم , في عندنا في ال PDO حاجة اسمها PDOException ودا بيستخدم طريقة ال try وال catch عشان يتاكد من عملية الاتصال ودا شكل الكود
<?php
$dsn = 'mysql:host=localhost;dbname=news';
$user = 'root';
$pass = '';
try{
$db = new PDO($dsn , $user , $pass);
echo 'You Are Connected';
}
catch(PDOException $e){
echo 'Faild - ' . $e->getMessage();
}
تعال بقى نجرب الكلام الي احنا كتبناه ونعمل اتصال ونشوف النتيجة , هنروح نفتح ملف الاتصال على الbrowser بتاعنا بالشكل الي في الصورة
هنلاقيه طبعلنا رسالة بيقول انه تم الاتصال بنجاح ونص الرسالة الي قولناله يطبع لو تم الاتصال معنى كدة ان مافيش مشكلة والاتصال تمام
طب لو جينا وغيرنا اسم الداتا بيز خلينا نشوف ايه الي هيحصل , هتلاقي بعد تغيير اسم الداتا بيز وتعيد تحميل الصفحة انه ظهر خطا زي الصورة دي
وبيقول انه اسم الداتا بيز الي انت كتبته مش موجود , نفس الفكرة لو غيرنا الباسورد وكتبنا باسورد غلط هنلاقيه بيطلع رسالة زي الصورة دي
والرسالة بتقول انه الباسورد مش صحيح
ولو جينا برضو غيرنا ال user كتبنا اسم خطا غير ال root هيديني رسالة زي الصورة دي
بتقول ان اليوزر دا مالوش اكسس على الداتا بيز بتاعتنا
وبكدة نكون عرفنا ازاي نعمل اتصال بقاعدة البيانات وايه المشاكل والاخطاء الي ممكن تظهر
ليست هناك تعليقات:
إرسال تعليق