دورة MySql5 - الدرس الاول : MySql Syntax And Some Info

دورة MySql5 - الدرس الاول : MySql Syntax And Some Info

هنتكلم النهاردة عن ال syntax الخاص بلغة ال mysql وعن بعض المعلومات في ال phpmyadmin

في البداية عشان نتعامل مع ال phpmyadmin لازم تشغل السيرفر المحلي الي عندك على الجهاز سواء كان mamp , lamp , xamp ولو مش موجود عندك بامكانك مثلا تحمل برنامج ال xamp  من خلال الرابط دا 

https://www.apachefriends.org/download.html

بعد ما تشغله يا سيدي هتفتح ال phpmyadmin زي الصورة دي 

بعد ما تشغله هتفتح ال browser وندخل على اللينك التالي : 

http://localhost/phpmyadmin/

هيفتح معاك اللينك زي الصورة دي 

- بمجرد دخولك على الphpmyadmin بالشكل دا معناه كدة انت عملت  login على ال mysql طب عملت ال login بايه وايه هي البيانات الي عملت بيها لوجن كدة انت عملت لوجن بالبيانات الافتراضية الموجودة في ال phpmyadmin اليوزرنيم هو root والباسورد الافتراضي ال phpmyadmin مابيبقاش ليها باسورد

- هنعمل دلوقتي database جديدة باستخدام ال phpmyadmi , عشان نعمل داتا بيز هندوس على زرار ال sql زي ماهو باين في الصورة دي ونكتب امر انشاء الداتا بيز 

امر انشاء داتا بيز جديدة هو

CREATE DATABASE elbrmjahyat;

وهندوس على زرار Go وهنلاقي انه تم انشاء داتا بيز جديدة اسمها elbrmjahyat , طب لو جينا كررنا نفس الخطوات وكتبنا نفس الامر تاني عشان ننشئ داتا بيز بنفس الاسم تاني هيحصل ايه ؟ هتلاقيه بيدينا خطأ زي ماهو موجود في الصورة دي

الخطأ بيقولك :

Can't Create database 'elbrmjahyat'; database exists

دامعناه انه مش قادر يعمل داتا بيز جديدة بنفس الاسم لانها موجودة بالفعل 

- في الحالة دي لازم تكون عامل حسابك وتكون عامل validate للكود بتاعك وفي الحالة بتاعتنا دي هنكتب الامر بشكل تاني بس هنعمل validate للكود وهيكون بالشكل دا

CREATE DATABASE IF NOT EXISTS elbrmjahyat;

زي ماهو موجود في الصورة دي 

- هتلاقي بعد تنفيذ الامر دا ما ظهرش الايرور الي كان ظهرلنا من شوية ودا عشان احنا عملنا شرط انه يشوف الاول هل الداتا بيز دي موجودة ولا لا لو مش موجودة هيعمل واحدة جديدة بالاسم الي انت كتبته لكن لو هي موجودة فهو مش هيعمل حاجة ومش هيطلع ايرور .

- طب لو حبيت امسح الداتا بيز الي انا عملتها دلوقتي امسحها ازاي ؟ 

عشان تمسح الداتا بيز هتكتب الامر دا 

DROP DATABASE elbrmjahyat;

وتدوس على زرار Go  عشان ينفذ الامر زي ماهو موجود في الصورة دي

- طب احنا ليه بنكتب اوامر ال mysql  الي زي ال CREATE , DROP ليه بنكتبهم حروف كبيرة capital هو احنا لو كتبناهم حروف صغيرة الامر مش هيتنفذ ؟
لا طبعا هيتنفذ بدون اي مشاكل لكن الافضل اننا نكتبهم حروف كبيرة عشان نقدر نفرق بين اوامر ال mysql ومابين الكلمات الخاصة بينا الي احنا كاتبينها ويكون قرأة الكود سهلة علينا , وهتلاقي برضو لما تكتب الاوامر بحروف كبيرة لونهم بيتغير وطبعا دا هيفرق معانا لما يكون الكود  طويل جدا هيبقى صعب اننا نقرأه 

بكدة نكون خلصنا درس النهاردة واستنونا في باقي دروس الدورة ان شاء الله , مستنين تفاعلكم وتعليقاتكم 

 صفحتنا على الفيس بوك 

https://www.facebook.com/ElbrmjatHyat